Күйеуі мен әйелі бір анадан туған бауырлар болып шықты

53 жасар Эрве мен 46 жасар Роуз-Мари Францияның солтүстік-шығыс өңірінде өздерін асырап алған әртүрлі отбасыда тәрбеленген. 2006 жылы олар танысып, бір-біріне ғашық болып, отбасын құрған. Олардың отбасы толығып, қыз бала дүниеге келгеннен кейін оған туу туралы куәлік алуға барғанда, билік органдары олардың өтініштерін қанағаттандырудан бас тартқан. Себебі, Эрве мен Роуз-Мари бір анадан туған ағалы-қарындасты бауыр болып шыққан, деп хабарлайды Daily Mail басылымына сілтеме жасап reactor.inform.kz хабарлады.

Мәселенің мән-жайына кеңірек тоқталсақ: Францияда баланың туу туралы куәлігінде оның ата-анасының біреуінің ғана аты-жөнін көрсетуге заңмен рұқсат етілген. Сондықтан, 2016 жылы сот құжаттан анасының есімін алып тастауға шешім шығарған, себебі қан араласуы, яғни қыздың ата-анасының жақын туыстар болып шыққанын ешкім білмеуі тиіс.

Осылайша, ерлі-зайыптылар қыздары дүниеге келген соң ажырасып кеткен. Ал, Роуз-Мари сот шешіміне шағымданып, өзінің қызының құжатында оның ата-анасының екеуінің де аты-жөндері көрсетілуін талап еткен.

«Менің қызымның әкесі өзімнің ағам болып шықты, мен оны бұрын білмегенімді сотта дәлелдеп шықтым», — дейді ол.

Қазір сегіз жасар Осеан анасымен бірге тұрып жатыр, ал оның әкесі, яғни анасының ағасы оның тәрбиесіне мүлдем араласпайды десек те болды.