Әйелді жаяу жүргіншілерге арналған жолда қағып кетті (видео)

Қарағандыдағы «Таир» сауда үйіне қарама-қарсы жерде жантүршігерлік жол апаты болды. Машина әйелді жаяу жүргіншілерге арналған жолда қағып кеткен. Зардап шеккен әйел Мақажанов атындағы клиникаға жеткізілді.

Жол-көлік оқиғасы 3 шілдеде шамамен сағат 17.30-да болған. «Көлік тізгінінде 1981 жылғы ер адам отырған. Ол жаяу жүргіншілерді өткізіп тұрған. Бірақ соңғы болып өтіп жатқан әйелді ол байқамай қалған. Жүргізуші өз кінәсін мойындап отыр. Бұл дерек ҚР Қылмыстық кодексінің 345-бабы бойынша («Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы») тіркелді», — деп хабарлады облыстық ІІД өкілдері. Зардап шеккен әйелдің жағдайы әзірше белгісіз.

Tengrinews.kz