Израилдің «Әл-Жазира» телеарнасы жабылуы мүмкін (видео)

Израиль билігі елдегі «Әл-Жазира» телеарнасының барлық өкілдігін жауып тастамақ. Байланыс министрінің айтуынша, бұл арна лаңкестікті қолдайды. Сондықтан хабар таратуын тоқтатуы тиіс. Алайда телеарна тағылған айыппен келіспей отыр.

Бұған дейін «Әл-Жазира» бөлімшелері Иордания мен Сауд Арабиясында өз жұмыстарын тоқтатқан болатын. Аюб Кара, Израильдің байланыс министрі: — Мен Израиль үкіметінен «Әл-Жазира» арнасының жабылып, тілшілерінің кері қайтарылуын талап етемін. Екіншіден, жерсеріктік және кабельдік компаниялары арнаның хабар таратуын тоқтатуға әзір екендіктерін айтты. Сонымен қатар қоғамдық қауіпсіздік министрінен телеарнаның сайттарына да тыйым салуын сұрадым.

24.kz