«Ирма» дауылының ішімен ұшқан ұшақтың видеосы жарияланды (видео)

Ұлттық мұхиттағы және атмосфералық әкімшілік (NOAA) қызметкерлері «Ирма» дауылының ішімен ұшқан ұшақты видеоға түсіріп алған, деп хабарлайды Baq.kz ақпарат агенттігі шетелдік БАҚ-қа сілтеме жасап.

2 минутқа таяу уақытқа созылатын бейнероликті NOAA «Дауыл аңшылары» (Hurricane Hunters) деген атпен өзінің твиттер парақшасында жариялады.

Ғалымдардың айтуына қарағанда бұл бейнеролик зерттеу мақсатында түсірілген. Яғни, табиғи апаттың қаншалықты қатерлі екенін мүмкіндігінше жақыннан көріп, бақылау керек болған.

«Ирма» — АҚШ-тың оңтүстік-шығыс аймағында тамыздың соңында орын алған жойқын табиғи апаттардың бірі. Ол «Харви» дауылынан да күшті.

Соңғы мәлметтерге қарағанда бұл дауыл салдарынан 60 адам қаза болып, Техас штатына келтірілген зиян көлемі 150-ден 180 млрд доллар көлеміне жетті. Сонымен қатар, «Ирма» Атлантикада соңғы он жылда тіркелген ең үлкен табиғи апат.

Естеріңізде болса, бұған дейін де табиғи апат салдары кезінде түсірілген видеоларды жариялаған болатынбыз.