Иран АҚШ-тың санкциясына қарсы заң жобасын бекітті

Иран АҚШ-тың санкцияларына қарсы баллистикалық зымыранды жасауға бөлінетін шығынды ұлғайту жөнінде шешім қабылдады. Ел парламенті заң жобасын бекітті.

Құжатқа сәйкес зымыран дайындау мен «Кудс» деп аталатын әскери күшті дамытуға 260 миллион доллар қаржы жұмсалатын болды. Сонымен қатар АҚШ шенеуніктері мен әскерилеріне қарсы тыйым шаралары да қарастырылған. Естеріңізге сала кетейік, тамыздың 3-і күні президент Дональд Трамп Иранға санкция салу жөнінде жарлыққа қол қойды. Вашингтонның мұндай қадамға баруына Иранның баллистикалық зымыранды сынақтан өткізуі себеп. Өйткені АҚШ билігінің мәлімдеуінше, Тегеран бұл арқылы 2015-інші жылы жасалған халықаралық келісімді бұзған.

24.kz