Астанада бұрынғы инкассатор банкоматтан ақша ұрлады деген күдікке ілінді. Бұл туралы Polisia.kz хабарлады.
Негізі тамыз айында болған оқиға. 3 миллион 760 мың теңге көлеміндегі ірі қаржыны жымқырғаны анықталды.
Бейнежазбада таңғы уақытта бетін жауып алған ер адам осы банкте инкассатор болып бұрын жұмыс істеген болып шықты. Банк аппаратын ашып, қолма-қол ақша салынған дискілерді алып кеткен.
27 жастағы күдікті жұмыстан шыққаннан кейін банкоматтың кіру кодтарын білетін болғандықтан ақша ұрлауға бел буған.
ҚР ҚК 188-бабының 3-бөлігі бойынша сотқа дейінгі тергеу амалдары жүргізілуде, ер адам кінәсін мойындады.
JQ-Aqparat