Адамның алып қиялын ақиқатқа айналдырып жүрген Илон Маск тағы бір таңғажайып жаңалық ашылғанын жария етті. Оның айтуынша, Neuralink нейротехнологиялық компаниясы зағип жандарға жарық дүниені көруге мүмкіндік беретін Blindsight (сөнген жанар) имплантын жасап жатыр.
Көлемі шақадай (монета) бұл құрылғыны алдымен маймылдарға салып, тәжірибеден өткізген. Маск Х (бұрынғы Твиттер) парақшасында жазғандай, бастапқыда көру қабілеті әлсіз болғанымен, біртіндеп жақсарады.
Компания күні кеше миына чип салынған адамның шахмат ойнағанын көрсетті. 29 жастағы Нолан Арбо есімді азамат 8 жыл бұрын апаттан соң иығынан төменгі жағы сал болып қалған. Енді компьютердің курсорымен шахмат тастарын қозғалта алатынын айтты.
Neuralink биыл қаңтардың аяғына таман тұңғыш рет адам миына чип орналастырғанын хабарлаған еді.
JQ-Aqparat
WhatsApp: +7 705 717 9113
