ІІМ: Референдум кезінде елдегі жағдай полицияның толық бақылауында

Ішкі істер министрлігінің ресми өкілі Шыңғыс Әлекешев референдум кезінде ел ішіндегі жағдайды полиция бақылауда ұстап отырғанын мәлімдеді, деп хабарлайды jasqazaq.kz. 
Шыңғыс Әлекешов: «Жеке құрам толықтай күшейтілген қызмет режиміне ауыстырылды. Мемлекеттік органдармен бірлесіп, референдум өтетін барлық учаскелер алдын ала тексерілді. Барлық референдум учаскелері тәулік бойы күзетке алынды. Полиция қызметкерлері дауыс беру өтетін бөлмелерде болмайды және қоғамдық тәртіптің бұзылуына жол бермеу үшін комиссия төрағасының шақыруымен ғана кіре алады. Қазіргі уақытта елдегі жағдай тұрақты және ішкі істер органдарының толық бақылауында», – деді.

JQ-Aqparat