Халид есімді азамат 26 мың әйелге көмек көрсеткен

14 желтоқсан 2017, 11:47

Сауд Арабиясының Халид есімді азаматы әйелдерге көрсеткен көмегі үшін Шайо (Chaillot Prize) деп аталатын жүлдемен марапатталып отыр.

Отызға енді толған Халид осыдан екі жыл бұрын аудиторлық жұмысын тастап, осы салаға бет бұрған екен, деп хабарлайды muslim.kz

Енді, міне, сол екі жыл Халидтің бастамасымен құрылған Glowork жұмысқа орналастыру ұйымы 26 000 әйелді қызметпен қамтамасыз етіп, қайырымдылықтың ошағына айналған. Бұған қоса, осы уақыт ішінде қаншама әйел орталықтан мамандық таңдау жөнінде тегін кеңес-нұсқаулықтар алып тұрған.

Әйелдерді жұмысқа орналастыру жобасын Халид ең алдымен өз компаниясынан бастаған көрінеді. Қазір оның қарамағындағы 68 қызметкердің 60-ы әйел адамдар.