Головкиннің келесі жекпе-жегі қашан өтетіні белгілі болды

18 қыркүйек 2017, 11:06

Промоутер Том Леффлер қазақстандық боксшы Геннадий Головкиннің келесі кездесуі шамамен желтоқсанда өтетінін мәлімдеді. Бұл туралы CBS Sports журналисі Лайл Фитцсиммонс айтты.

GGG-дің желтоқсандағы қарсыласы британиялық Билли Джо Сондерс немесе пуэрторикалық Мигель Котто болуы мүмкін. Ал Сауль Альвареспен реваншты 2018 жылдың мамырында өткізуге мүмкіндік бар.

Леффлердің айтуынша, Сондерс Головкинмен кездесуден қыруар ақша табуды көздеп отыр.

Естеріңізге сала кетейік, кеше Головкин мен Альварес жекпе-жек өткізіп, төрешілер шешімімен тең түсті.

baq.kz