Головкин Альвареспен болатын жекпе-жектен кейін спорттан кететінін айтты

22 маусым 2017, 10:32

Орта салмақ дәрежесінде әлем чемпионы Геннадий Головкин алдағы күзге жоспарланған Сауль Альвареспен болатын жекпе-жегі оның кәсіби бокстағы соңғы бәсекесі болуы мүмкін екендігін айтты.

«Мен осы жекпе-жектен кейін кәсіби спорттан кететін шығармын. Бәлкім, кетпеймін. Мен өз бабымдамын және өзімді 25 жастағыдай сезінемін. Алайда бұл футбол емес, бокс. Бокс ойын емес, жан беретін бәсеке. Бәсекенің қай-қайсы болмасын өзінше ауыр», – деді Головкин.

Еске салайық, Головкин-Альварес жекпе-жегі 16 қыркүйекке белгіленген. Кездесу Лас-Вегаста өтеді. Боксшылар жекпе-жекті жарнамалауға бағытталған медиатурларын бастап та кетті.

stan.kz