Гол соға алмай ыза болған Суарес футболкасын жыртып тастады (видео)

Тепкен добы қақпаға кірмей, мүлт кеткеніне ыза болған «Барселона» шабуылшысы Луис Суарес үстіндегі футболкасын жыртып тастады, деп хабарлайды Baq.kz ақпарат агенттігі lenta.ru-ға сілтеме жасап.

Келеңсіз жәйт Испания чемпионатының жетінші туры аясында өткен «Барселона» — «Лас-Пальмас» матчы кезінде болған.

Артық форма болмағандықтан, футболшы алаңнан кетуге мәжбүр болды. Ал «Барселона» ойынды Суарессіз жалғастырды.

Осы матчта каталондықтар «Лас-Пальмас»-ты 3:0 есебімен ойсырата жеңді. Каталониядағы референдумға байланысты ойынды тамашалауға бірде бір жанкүйер келмеген.

Активінде 21 ұпайы бар «Барселона» чемпионаттың турнирлік кестесінде көш бастап тұр, ал «Лас-Пальмас» 6 ұпаймен 17-орында келеді.

• baq.kz