Германия басылымы 28 Панфиловшылардың ерлігін жоққа шығарды

Немістің Die Welt газеті Иван Панфиловтың ерлігін жоққа шығарып мақала жазды.

Бұл туралы Inosmi.ru басылымына сілтеме жасап stan.kz хабарлайды.

Мақалада негізінен “28 Панфиловшылардың” ерлігін қайталамақ болған Ресейдің мәдениет министрі Владимир Мединскийге бағытталған.

“1,7 миллион ресейлік 1941 жылы Мәскеуді қорғап қалған 28 батыл қызыл армия сарбаздары туралы тарихты көрді. (…) Бұл соғыс туралы қойылым кеңес пропагандасына орай жасалған. 28 азап шегуші туралы ақпарат жалған. 1942 жылы аталған оқиғаны “Қызыл Жұлдыз” редакторларының бірі ойлап тапқан. Мәдениет минситрі мұны ескеріп отырған жоқ. Бұл өтірікті әшкерелегендерге “Бабамыздың ерлігін жоққа шығарған адам тозақ отына күйеді” дейді ол. Көрермендер де мұның жалған оқиға екеніне мән беріп отырған жоқ”, – деп жазады басылым.

Естеріңізге сала кетсек, 2015 жылдың 11 маусымында Ресей мемлекеттік мұрағатының басшысы 28 Панфиловшылар туралы оқиғаның ойдан шығарылғанын айтқан болатын. Бұл ақпарат ресейліктер мен қазақстандықтарды бірдей шулатты. Панфиловтың немере қызы арнайы халықаралық комиссия құрып, бұл оқиғаны толықтай тексеруді талап еткен болатын.