Гүлнәр Кәрімованың Ресейдегі дүние-мүлкі бұғатталуы мүмкін

Өзбекстан бас прокуратурасы Ресей билігінен Гүлнәр Кәрімованың ел аумағындағы дүние-мүлкін бұғаттауды сұрады, дап хабарлайды Ресей Федерациясы бас прокуратурасының баспасөз қызметі.

Ресей прокуратурасы таратқан хабарламада, Өзбекстан прокуратурасы тарапынан РФ прокруатурасына Гүлнәр Кәрімова ісі бойынша көмек көрсету мақсатында Ресей аумағындағы Кәрімованың барлық жылжымайтын мүліктерін бұғаттау керектігі айтылған ресми хат жолданған. Естеріңізге салайық, Өзбекстанның бұрынғы президенті Ислам Кәрімовтың қызы Гүлнәр Кәрімованың үстінен 2013 жылы қылмыстық іс қозғалған болатын. Ал 2015 жылдың тамыз айында Ташкент қаласының соты Кәрімованы 5 жылға бас бостандығынан айырған еді. Бірақ Гүлнәр Кәрімова осы уақытқа дейін түзету мекемесінде емес үй қамақта болып келген. Өзбекстан бас прокуратурасының мәліметі бойынша, Гүлнәр Кәрімованың мемлекетке келтірген шығыны 2 миллиард долларды құраған.

Qazaq Times