«Гәккуде» де гәп бар

 Кеше Алматының төрінде «Гәкку Дауысы» ән фестивалі өтті. Димашты қонақ еткен ұйымдастырушылар негізгі басымдықты k-pop стиліндегі әншілерге берген.

«Астана Алаңын» тамаша безендіріп, сонша халықты жинау ісін мүлтіксіз атқарған ұйымдастырушы топ қазақ қаріптерін жазудан мақұрым қалған ба? Әлде латынның әлегімен жүріп, кирилицадағы қазақшаны ұмыта бастаған ба? Немесе барлығы орыстілділер ме?

«Айталамын», «Қаламызда мылдаған», «Дейн», «Болмас шыға». Сахнаның қос қанатында самаладай жарқырап тұрған қос суфлердағы сұмдық — бұл. Оған кей әншілердің ән ойнап тұрғанда микрофонды төмен жібере салып, билей жөнелгенін, кешті жүргізіп тұрған қос жүргізушінің тек орысша сайрағанын қоссаңыз қынжылып-ақ қаласыз ғой.

Біздің мақсат — мін іздеу емес, қоғам болып, қатеге қарсы қарекет қылу.