Ерке Есмаханның жаңа әнін 9-сынып оқушысы жазған (видео)

Бірнеше күн бұрын әнші Ерке Есмахан тыңдармандарын “Қайда?” атты бейнебаянымен қуантты. Су жаңа клип жанкүйерлердің жүрегіне жол тапты. Олай деуімізге бір себеп – желіні “жарған” бейнебаянды небәрі 3 күнде 600 мың адам тамашалап үлгерген.

“Қайда?” – Еркенің продюсерден еншісін алып, бөлек шыққаннан кейін түсірген алғашқы бейнебаяны еді.

Тырнақалды туындысының сәтті шыққанына қуанған Ерке оның жарық көруіне атсалысқан жандардың барлығына алғыс айтты.

Сөз арасында әннің авторларына ерекше тоқталды. Әдеттегідей ән мәтіні Еркенің “жекеменшік” авторына айналған ақын досы – Қайнар Алагөзовке тиесілі екен. Ал әуені Диана Исмаилова есімді бойжеткендікі.

Көзі қарақты көрермен Диананы “Қазақстан дауысы” жобасы арқылы таниды. Алайда таңғаларлығы, бір-ақ күнде хитке айналған әнді Диана 9-сыныпта оқып жүрген кезінде жазған екен.

Бұл туралы Stan.kz хабарлайды.