Азаматтық некедегі күйеуін жүк көлігінің астына итеріп жіберген әйелге сот үкімі шықты.
Бұл туралы Алматы облыстық сотының баспасөз қызметі хабарлады.
Оқиға былай болған: өткен жылдың қазан айында сотталушы К. Алматы облысы Қарасай ауданы Алматы-Бішкек автожолының шетінде азаматтық некедегі күйеуі М., екеуі жанжалдасып қалады. Ащы судан жұтып алған әйел күйеуін жүріп бара жатқан жүк автокөлігіне қарай итеріп жібереді. М., сол мезетте мерт болған.
Сот үкімімен масаң күйде қылмыс жасаған К. ҚК-нің 99-бабы 1-бөлігімен кінәлі деп танылып, оған 10 жылға сотталды.
Үкім әлі күшіне енген жоқ.
View this post on Instagram
JQ-Aqparat