«Елің суға кетіп жатқанда осы ма әрекетің»: Қайрат Нұртастың жазбасы жұрттың ашуын тудырды (Видео)

05 сәуiр 2024, 10:28

Әнші Қайрат Нұртас тыңдармандарына алғыс білдіремін деп, жұрттан сөз естіді. Өнер иесі Instagram парақшасында тыңдармандарымен түскен видеосын жариялаған еді.

«Еңгейген қариядан, еңбектеген балаға дейін әнімді тыңдап, жанымды түсініп «Ақ Қайрош» деп жүрегінен бір орын бергені үшін басымды Ием! Аллаға шүкір», — деп жазды эстрада жұлдызы.

Бұл жазбаға қатысты желі қолданушыларының пікірі екіге бөлінді. Бірі әншіге қолдау білдірсе, енді бірі су тасқыны кезінде мұндай жазба жариялағаны үшін сынға алды.

«Қазақтың маңдайына біткен жұлдызсың», «Халықтың Қайраты, аман бол», «Сізден асқан жұлдыз жоқ. Өнеріңізбен тәнті етіп жүре беріңіз», «Бағалаймыз», «Елдегі жағдай кезінде бір ауыз жылы лебіз білдіргеніңіз дұрыс болар еді», «Елің суға кетіп жатқанда осы ма әрекетін? Өзіңді жарнамалағаның дұрыс болмады», — деп жазуда көпшілік.