Оңтүстік Кореяда өтіп жатқан «Канвон-2024» IV қысқы жасөспірімдер Олимпиадасында Қазақстан қоржынына кезекті жүлде түсті. Бұл туралы Ұлттық Олимпиада комитеті хабарлап отыр.
«Қысқы жасөспірімдер Олимпиадасында алғаш рет 3×3 хоккейден жүлде жиынтығы сарапқа салынды. Қазақстан құрамасы бұл сында үшінші орынға табан тіреді. 3-орын үшін өткен тартысты ойында жерлестеріміз Аустриядан 6:5 есебімен басым түсті», – делінген комитет хабарламасында.
Айта кетейік, қазір IV қысқы жасөспірімдер Олимпиадасында Қазақстан 1 алтын және 2 қола жүлдені қанжығалап отыр.
Алтын медальді Илья Мизерных бірінші (шаңғымен секіру) болып әкелді. Одан кейін Полина Омельчук шорт-тректен қола жүлде иеленді.
JQ-Aqparat
Фото: Ұлттық олимпиада комитеті