Еліміздің құтқарушылары өткен тәулікте 178 шақыртуға барған (Видео)

Өткен тәулікте еліміздіңТөтенше жағдайлар министрлігінің күштері 178 жедел құтқару жұмысына шыққан. Бұл туралы ТЖМ Telegram-арнасында хабарланды.
Шұғыл іс-әрекеттердің 78-і өрттер мен жану оқиғаларына, 100-і іздестіруге, авариялық-құтқару және басқа да жұмыстарға қатысты.
Бұл жолы 19 адам құтқарылған және эвакуацияланған.
ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады.
Сондай-ақ ТЖМ Telegram-арнасында өрт-сөндірушілердің қандай жанкештілікпен әрекет етіп жатқанын көрсететін видео жарияланды.

JQ-Aqparat