Елена ерлеп тұр

24 қантар 2023, 10:03

Қазақстандық теннисші Аустралияның ашық біріншілігінде бақ сынап жатыр. Рыбакина жартылай финалға жетті. Ширек финалда әлемнің 17-інші ракеткасы саналатын латыш қызы Елена Остапенконы жеңді. Елена Остапенко бес жыл бұрын Ролан Гаррос турнирін жеңген болатын. Екі Елана өзара бұған дейін екі де екі мәрте тартысқа түсіп, латыш қызының мерейі үстем болған.

Бұл жолы екі сетте де қазақстандық теннисші басымдық танытып, жартылай финалға шығып отыр. Рыбакина спорттық мансабында Аустралия ашық біріншілігінің жартылай финалына алғаш рет шығып отыр.

Жартылай финалда біздің теннисші әлемнің 3-інші ракеткасы атанған америкалық Джессика Пегула және беларусь қызы Виктория Азаренко екеуінің біріне қарсы кортқа шығады.

JQ-Aqparat