Елбасы: Илья мен үшін әрқашан чемпион (видео)

Елбасы Нұрсұлтан Назарбаев бар атағы мен медальдарынан айырылған зілтемірші Илья Ильинге кезекті рет қолдау білдірді. Ол Астанадағы этно-ауылды аралау барысында спортшымен тілдесті.

Бұл туралы Ақорданың Instagram-дағы парақшасынан белгілі болды.

«Өзіне де айтқанмын, мен үшін Илья әркез чемпион болып қала бермек», – дейді Назарбаев Ақорда парақшасында пайда болған видеода.

Айта кетейік, былтырғы жылы допинг дауынан кейін қазақстандық спортшының Пекин-2008 және Лондон-2012 Олимпиадаларында жеткен жетістіктері жоққа шығарылды. Соның салдарынан Ильин Рио-де-Жанейрода өткен Олимпиадаға қатысу құқығынан айырылды.

Ал 2016 жылдың қарашасында Халықаралық олимпиада комитеті Ильяні екі алтын медалінан айырды.

Ал бұл Нұрсұлтан Назарбаевтың спортшыға алғаш рет қолдау көрсетуі емес. 2009 жылы зілтеміршінің спорт министрлігіндегі шенеуніктермен арасында кикілжің туғанда, Ильин әлем чемпионатына қатыспау туралы шешім шығарды. Ал Назарбаев спортшыға қолдау білдіріп, оны функционерлер шабуылынан құтқарып қалған еді.

Мемлекет басшысы «Этноауыл» ұлттық-мәдени кешенін аралау барысында қазақстандық ауыр атлет Илья Ильинмен әңгімелесті. Астана қаласы В ходе посещения национально-культурного комплекса «Этноаул» Глава государства побеседовал с казахстанским тяжелоатлетом Ильей Ильиным

Публикация от AkordaPress (@akordapress) Авг 13 2017 в 5:22 PDT

stan.kz