Екі жарым минутта 12, 6 миллионды алып кеткен (видео)

Полицейлер Қарағандыдағы зергерлік бұйымдар дүкенін тонау дерегін тергеп жатыр.

Tengrinews. хабарлағандай, істі тергеуге тәжірибелі мамандар жұмылдырылды. «Полицияда қылмыстық іс қозғалды. Күдіктілерді анықтау мен ұстау бойынша барлық қажетті шаралар іске асырылып жатыр. Қарағанды облысы ІІД мен ІІБ-нің дайындығы жоғары қызметкрелері қатарынан жедел-іздеу тобы құрылды. Жақын орналасқан үйлердің тұрғындарынан жауап алынып, қажетті жедел-тергеу шаралары жүріп жатыр», — дейді өңірлік ІІД-нің баспасөз қызметінің өкілдері. Бұл дерек СДТБТ-ға ҚР ҚК-нің «Ұрлық» бабы бойынша тіркелді. Еске салайық, наурыздың 15-не қараған түні бетперде киген белгісіз үш адам зергерлік дүкенінен 12, 6 миллион теңгенің асыл бұйымдарын алып кеткен. Күзет агенттігінің қызметкерлері оқиға орнына төрт минутта келген. Алайда онда ешкім болмаған. Оқиға ішкі бақылау камерасына түсіп қалған. Бетперде, қолдарына қолғап киген және бастарына шахтерлік шам таққан үш адам қитұрқы әрекет еткен. Олар бар ісін екі жарым минутта тындырған.