Дінтанушы: Ертең Құранды қойып вальс билесе де таңғалмаймыз

Әлеуметтік желіде Жаңаөзенде болған тойлардың бірінде жас жұбайлар «жар-жардың» орнына «Бақара» сүресінің 2-аятын қосып шыққан болатын. Видео қоғам арасында қызу талқыға түсуде. Бұл мәселеге қатысты дінтанушы Мұхитдин Паттеев пікір білдірді, -деп жазды Azattyq Ruhy.

Оның айтуынша, «тойда мұндайды жасауға бола ма, жоқ па?» деп ешкім сұрап жатқан жоқ.

«Әй, дейтін әже, қой, дейтін қожа жоқ». Әйтпесе, қай ата-бабамыз келін түскен кезде «жар-жардың» орнына Құран сүрелерін тыңдайтын еді? Тіпті, Құран оқылды деген күннің өзінде жұмақ аяттары туралы айтылған. Мысалы, Түркияда ислами тойларда бір-екі жұма аяттарын оқиды. Мына жерде кәдімгі той ғой. Төрге шығып отыратын тойдың стилі, әу бастан бұл біздің стиль емес. Тойға Құранды қосып қою дегеніміз жақсы дүние емес. Бұл жерде “келеді әне екі жас, топты жарып жар-жар» деп бабалардан қалған жолдар айтылуы керек еді»,- дейді ол.

«Бұның барлығы “Әй” дейтін әженің жоқтығы. Құранды қойып вальс билемекші ме? Ол жерде үлкен кісілер де отыр. Өздері қазіргі заманғы, еуропаның стилі. Христиандардың стиліне Құранды қойып былай жасау жастардың бетімен кеткенін көрсетеді. Бұл жастардың басым көпшілігі ислам дінін атасынан, әжесінен үйренбеді. Олар ата-әжесінің дінін қабылдамайды. Олар өз ұғымындағы қазіргі заманғы, бір жағы арабша, парсыша түсініктегі діни ұстанымды ұстанады. “Жүре берсең, көре бересің” деп бекер айтпаған. Ертең Құранды қойып вальс билесе де таңғалмаймыз»,- дейді дінтанушы.

JQ-Aqparat