Әнші Динара Сұлтан әлеуметтік желіде өзінің отбасылық құпиясымен бөлісті.
«Күздің соңғы күнінде уәдемде тұрайын. Жолдасымыз екеуміз танысқанымда маған бес бала туып берсең, үйленем дегені бар еді. Негізі қалжыңдағаны ғой, дегенмен, мені ондайға барады деп ойламаған сияқты. 22 жасымда біріншісін, 33 жасымда алтыншысын босандым. Үйленуге уақыт болмапты демеңіз, некемізді ислам діні бойынша о баста қиғанбыз. Ресми түрде асықпадық, өмірде небір жағдайлар болып қалады. Сөйтіп 2019 жылы «Тойымызды» ең бірінші балаларымызға, одан соң туыс, дос-жаранға арнап жасадық. Енді, міне, тағы бес жыл өте ресми түрде некемізді қидық. Мен ойлаймын, бәрі Алланың қалауымен, шүкір. Жолдасымның нағыз жолдас, әке екенін — басынан түсінгем, еш күмәнім болмады. Еркекті көркейтетін — әрекет. Мен де, ол кісі де сөзімізде тұрдық. Енді жастарға қарасақ, бүгін дүрілдетіп той жасап, ертең-ақ айырылысып жатады. Менің айтарым, асықпаңыз, бұл өмірде ең бастысы — баланс. Соны түсінсек», — деп жазды өнер иесі.
JQ-Aqparat