Димаш Құдайберген су тасқынынан зардап шеккен жерлестерімен кездесті (Видео)

10 сәуiр 2024, 11:06

Әнші Димаш Құдайберген су тасқынынан зардап шеккен ақтөбеліктермен кездесті. Бұл туралы өнер иесі инстаграм парақшасында жазды.

«Бала кезден бастап тілеуімді тілеп, биікке қанат қағып, қалықтап жүрсін деген тілек тілеп жүрген жерлестерімнің қал-жағдайын білмей кете алмадым. Жаңалықтардан мемлекет тарапынан ауқымды сомада көмек беріліп жатыр дегенді оқып жатырмын. Ең бастысы, еліміз аман болсын, жұртымыз тыныш болсын», – деп тілек айтты әнші.

“Ақтөбеге келіп, судан зардап шеккен тұрғындарымен кездестім. Оларға қиындықты еңсеруде мықты болуға шақырып,күшіміз бірлікте екенін айттым. Сонымен қатар қалада ашылған гуманитарлық көмекті үйлестіру орталығына барып, волонтер жастармен кездесіп алғысымды білдірдім”, – деп жазды өнер иесі.