Дана Нұржігіт: Димаштың өнерінен кейін көп әртістер ойланып қалды

Бұл ойымен Дана Нұржігіт “Қазақстан” Ұлттық арнасының “Парасат майданы” бағдарламасында бөлісті, деп жазды Stan.kz.

“Әр сахнаға, жалпы мінбеге шыққан адам, мен шықтым екен, бір көрініп жұлдыз болдым екен деп емес… Ол – үлкен жауапкершілік. Сен соныңмен елге үлгісің. Тіпті, Ninety one тобын алайықшы. Иә, бұларға еліктеп, шашын бояп, шалбар емес, трико киіп шығатын жігіттер болады. Бірақ оның өзі жасына сай. Егер олар 50-де дәл осындай имиджбен шығатын болса, мен түсінбес едім. Черчилль айтады ғой: «Адам 15 жасында әлемді өзгертемін деп келсе, оны түсінуге болады. Ал 60 жасында әлемді өзгертемін дейтін болса, ол ақымақ», – дейді.

Димаш кешегі… Димаш өнер көрсеткеннен кейін көп әртістер ойланып қалды деп ойлаймын. Санасы болса… Әртіс деген осылай жүру керек, әртіс деген әнді осылай шырқау керек. Әртіс деген бүкіл әлемге қазақтың атын, мемлекетінің атын дәл осылай таныту керек және осындай деңгейдегі музыка сыйлау керек дегенді қайтарған Димашқа рахмет айтуымыз керек”, – деп пікір білдірді Дана Нұржігіт.