Чикагода атыс салдарынан 100-ден астам адам зардап шекті

АҚШ тәуелсіздігі күніне (4 шілде) орай берілген төрт күн демалыста Чикагода атыс болып, 100-ден астам адам зардап шекті, қаза болғандар бар.

Полицияның пайымынша, оны жергілікті бандиттер жасаған. Атыстар жайлы алғашқы хабарламалар сенбі күні түсе бастады, бірақ жарақат алғандардың басым бөлігі дүйсенбі кешке тіркелді. Жергілікті баспасөз ажал құшқандардың саны 15-ке жеткенін нақтылады, қалғандары түрлі дәрежедегі жарақаттар алған. Чикаго билігі қаланың проблемалы аудандарына 1 мыңға жуық полиция қызметкерін жіберген, алайда олар тәртіпсіздікті баса алмады. Чикагода Тәуелсіздік күніне орай берілген демалыстарда атыстар ұйымдастыру дәстүрге айналған. Өткен жылғы мерекеде 66 адам зардап шеккен болатын.

ҚазАқпарат