«Бұл саяси мәселе емес». Ғауез Нұрмұхамбетов Петропавлдың атауын ауыстыруға қатысты пікірін айтты

Бүгін Үкімет кулуарында Солтүстік Қазақстан облысының әкімі Ғауез Нұрмұхамбетов Петропавлды Қызылжар етуге қатысты пікірін айтты.

Әкім бұдан басқа да, яғни қаланы абаттандыру, жылумен қамту,  әлеуметтік және экономикалық жағынан дамыту сияқты мәселелер көп екенін жеткізді.

«Қаланың атауын өзгерту керек дейтіндер де, әлі уақыты келмегенін айтатындар да бар. Біз соның бәрін есепке алып отырмыз. Бұл тіпті де саяси мәселе емес», — деді ол.

Әкімнің пікірінше, қазір қала атауын өзгертуді қолдайтындар мен қарсы шыққандар тепе-тең түсіп тұр.

«Ең әуелі біз жұрттың пікірін зерттейміз. Содан кейін ғана осы мәселені көтереміз», — деді Ғауез Нұрмұхамбетов.

JQ-Aqparat

Сурет: СҚО әкімдігінің сайты