Боксшының өзі жоқ: Жанқош Тұраровтың адвокаты журналистерге сұхбат берді

Алматыда Жанқош Тұраров пен оның қорғаушылары ұйымдастырған баспасөз мәслихаты өтуде. Журналистердің алдына оның адвокаты Самат Мамутов шықты. Боксшының өзі жоспарлы жаттығуда көрінеді. Әзірге Самат Мамудов Жанқош пен Әнарудың бір-бірін танитынын айтты.

«Жанқош Тұраров өзіне тағылған айыппен келіспейді. Қазір тиісті сараптамалар жасалуда. Құрманәлиеваның нені көздейтіні біз үшін түсініксіз. Қорғаушы тарап үш нұсқаны қарастырады: 1)бәлкім, қыздың ақыл-есі дұрыс емес; 2) хайп үшін жасауы мүмкін; 3) немесе біреу лердің тапсырысы. 19 тамызда 23:00-де Әуезов ПБ-на Құрманәлиева шағым жазуға ішіп алып келгенін айту керек. Оған интернетте таралып жатқан полицияның бейнежазбасы дәлел. Бұл деректі нақтылау үшін адвокат сұрауы жіберілді», — деді Самат Мамутов.

Қазіргі уақытта Әнарудың шағымы бойынша ҚК-тің 120-шы бабы (зорлау) бойынша қылмыстық іс қозғалған.

JQ-Aqparat

Сурет: Ашық дереккөзден