«Біз өркениет жолындамыз»

«Латын әліпбиіне көшу мәселесі ана бір айтарлықтай қиындық туындатады деп ойламаймын. Себебі, қазақстандықтардың дені ағылшын тілін жетік меңгерген. Тіпті, өзімнің балаларым мен немерелерім де латын тілінде сауатты жазады» дейді «Тхоньил» корей этно-мәдени бірлестігінің Атырау облыстық филиалы ақсақалдар алқасының төрайымы Светлана Хан.

Спикердің пікірінше, латын әліпбиіне көшу барлық қазақстандықтарға тікелей қатысты. «Тарихқа көз жүгіртсек, алғашқы ғылыми кітаптардың латын тілінде жазылғанын көруге болады. Мәселен, математикалық, өзге де формулалар латын тілінде беріледі. Оның үстіне, ағылшын тілі бастауыш мектеп бағдарламасына да енгізілді. Осы фактордың өзі әсіресе, жас буынға латын тілін жетік, әрі тез меңгеруге жол ашады. Бастысы, біз өркениет жолындамыз» дейді Светлана Хан.

Баян ЖАНҰЗАҚОВА