Бішкекте 5 жасар қыз ұрлық жасаған әкесін ұстап берді

Қырғыз астанасында ұялы телефон ұрлаған күдікті ұсталды, деп хабарлайды akipress.org. Патрульдік милицияның баспасөз қызметінің хабарлауынша, 18 мамырда тәртіп сақшыларына 38 жастағы қала тұрғыны шағымданған. Оның айтуынша, қонаққа Рулан атты танысы келген. Үй иесінің шай қоюға кеткенін күткен Руслан оның үстелде жатқан Samsung Galaxy телефонын жымқырған. Милиция күдіктінің үйін тауып, сонда келген. 43 жастағы күдікті ешқандай телефонды көрмегенін айтқан. «Осы кезде үйден күдіктінің 5 жасар қызы телефонды алып шығып, оны әкесі алып келгенін айтқан», — дейді милиция қызметкері. Аталмыш іс бойынша хаттама толтырылып, Бірінші мамыр аудандық ІІБ-де іс қозғалды. Күдікті Бішкек қалалық ІІБ-нің уақытша оқшаулағышына қамалды.