Бішімбаевтың қорғаушысы: Қаралаумен кімдер айналысқанын қолымда нақты ақпарат болған кезде айтамын

Бішімбаевтың адвокаты Назкен Құсайынова сот біткен соң, журналистерді сотқа беретіндерін мәлімдеді.

Оның айтуынша, ақпарат құралдары бір жақты ақпарат таратқан.

«Мұның бәрін БАҚ-тың қалай жариялағанын көрдіңіздер ғой… Өздеріңізге қалай ыңғайлы болса, солай тараттыңыздар. Жарты жылдан бері тек Бишімбаевтар отбасын қаралау жүрді», — деді ол ZTB арнасының журналисіне.

Назкен Құсайынова Бішімбаевтарды қаралауға біреулер БАҚ-қа тапсырыс берген деп санайды.

«Қолымда нақты ақпарат болған кезде айтамын. Қаралаумен нақты кімнің айналысқанын, Бішімбаевтар отбасына қарсы бүкіл ақпарттық соғыспен айналысқандар туралы. Осы жағдайға байланысты деректер жиналып жатыр. Процестен кейін міндетті түрде айналысамын», — деді ол.

JQ-Aqparat