Бүгін Қуандық Бишімбаевтың соты жалғасып жатыр. Бұл жолы оған неліктен балгерге сенетіні туралы сұрақ қойылды.
Еске түсірсек, алдыңғы сот отырысында Бішімбаев Салтанат Нүкенова ұйықтап жатқанда балгерге телефон соққанын айтқан.
«Менің таныс балгерім бар еді. Мен Салтанат оянбай жатыр, қарап көріңізші дедім. Балгер маған «ол қатты шаршаған және мас, кешке дейін ұйықтасын, сосын бәрі жақсы болады» деді. Мен балгерге «біз үшін бірдеңе оқыңызшы, Салтанат тез жазылып кетсін» дедім. Сосын Бақытжан Байжановқа дәрі әкеліп бер дедім», — деген еді Бишімбаев.
Бүгін адвокат Жанна Оразбахованың сұрақтарына жауап бергенін Бишімбаев бұл балгер Шымкентте тұратынын айтты.
«Балгер Шымкент қаласында тұрады. 1-1,5 жылдан бері таныспыз. Осы уақытқа дейін бизнесім бойынша хабарласып, сұрайтынмын. Менің ойымша, оның айтқаны келетін. Сондықтан, Салтанаттың басындағы көгерген жері үлкейген соң телефон соқтым», — деді Бишімбаев.
Адвокаттың «әйеліңізге жедел жәрдем емес, Шымкенттегі балгер көмектеседі деп ойладыңыз ба?» деген сұрағына ол «мен балгерге сенетінмін», — деп жауап берді.
JQ-Aqparat