Үкіметтің баспасөз орталығында өткен брифингте ҚР Денсаулық сақтау министрі Елжан Біртанов санавиация ұшып бармақшы болған әйелге жүктілігің кері әсер еткенін айтты, деп хабарлайды Baq.kz тілшісі.
«Өкінішке қарай, әйел қайтыс болды. Біз тексеріс жүргіздік. Расында да, өте ауыр жағдай. Сондықтан жоғары деңгейдегі мамандардың көмегі қажет болды. Мұндай патологиялар жиі болмайды. Жергілікті дәрігерлерде мұндай ауыр жағдайда тиісті тәжірибелері болмай жатады. Әйел қайғылы жағдайға тап болудан бұрын дәрігерлер оған онлайн-консультациялар жүргізген. Әйел тәулік бойы бақылауда болды», — деді ол.
Министрдің айтуынша жүктілік әйелдің денсаулығына кері әсерін тигізген.
«Оған үш себеп бар: отбасылар тиісті ақпаратпен қамтамасыз етілмеген. Кейбір жағдайдайларда жүктілік денсаулыққа кері әсерін тигізеді және ол қауіпті. Жоғарыда аталған жағдай осыған ұқсас. Әйелдің 4 баласы болған әрі оның созылмалы ауырлары бар. Оның ішінде гепатит те бар. Сондықтан жүктілік өте қауіпті болған. Біз бұл ақпаратты әрдайым айтамыз. Бірақ олар біздің сөзімізді елеусіз қалдырады», — деді Елжан Біртанов.
Сонымен қатар ведомство басшысы емделушінің өліміне қатысты толық зерттеу жүргізілетінін атап өтті.
«Аналар өліміне қатысты міндетті түрде толық тексеріс жүргізіледі. Өкінішке қарай, ағымдағы жылдың 7 айының қорытындысына сәйкес, ана өліміне қатысты жағымсыз деректер бар», — деді ол.
Сондай-ақ, Елжан Біртанов санавиация көмегімен жүкті әйелдерге жиі көмек көрсетілетінін де атап өтті.
Естеріңізге сала кетейік, жақында Алматы облысында науқас әйелге медициналық көмек көрсетуге шыққан санавиация ұшағы құлап, 5 адам қаза тапты. Ал кеше осы көмекке мұқтаж болған әйел де көз жұмды.
WhatsApp: +7 705 717 9113
