Бір ай бұрын із-түзсіз кеткен 18 жастағы жігіт Қостанай облысынан өлі күйінде табылды

Қостанай облысында осыдан бір ай бұрын жоғалған 18 жастағы жігіттің мәйіті табылды деп хабарлайды ІІД сілтеме жасаған NUR.KZ.

Бір ай бұрын Жітіқара тұрғыны 15 шілде күні үйінен шығып қайта оралмаған 1999 жылы туған інісінің жоғалғаны туралы полицияға шағымданды.

Ұзақ іздеуден кейін полицейлер оның мәйітін Жітіқарадан 800 метр жерде орналасқан Забеловка ауылындағы қазылған шұңқырдан тапты.

Оның денесінде ешқандай зорлық-зомбылық белгілері болмады.

Мәйітті Жітіқара ауданының мәйітханасына жеткізіп, оған сот-медициналық сараптама тағайындалды.

Алдын ала болжам бойынша, жігіт суға тұншығып көз жұмған.

Қазіргі таңда осы қылмыстық іске қатысты қайтыс болған жігітке сот-психологиялық-психиатриялық сараптама тағайындалған. Тергеу жүріп жатыр.