Бетперде киіп, 1 миллион доллар бөлген жігіт кім? (Видео)

16 сәуiр 2024, 14:24

Бетперде киген жігіт өзінің әлеуметтік желісінде су тасқынынан зардап шеккендерге 1 миллион доллар бөлінгені туралы бейнежазба жариялады.

«Біз ең ауқымды көктемгі су тасқынымен күресіп жатырмыз. Төтенше жағдай шамамен еліміздің 10 облысында жарияланды. Бүгінгі 108 мыңдай адам эвакуацияланды. Су астында 5 мыңнан астам үй қалды. 8 мыңнан астам мал қырылды.
Сіздермен күшімізді біріктіріп, су тасқынынан зардап шеккендерге 1 млн доллар (450 078 200 теңге) бөлеміз. Волонтерлер мен құтқарушыларға, шетелден көмекке келген азаматтарға шексіз алғысымды білдіремін. Барлығымыз бірге бұл табиғи апатты еңсереміз, — деді жұмбақ жан.

Бетперде киген жігіт үш жылдан бері қарапайым адамдарға көрсетілген көмек туралы бейнежазба жариялап келеді. Бірақ оның кім екенін ешкім білмейді.