Әлеуметтік желіде егде әйелдің бесіктің үстіне мініп, қамшылаған бейнежазба тарады. «Бұл қайдан шыққан ырым» деп көпшілік аң-таң.
Осыған орай қазақтың бесікке байланысты ырым-тыйымдары еске түсірейік:
• Бос бесікті тербетпейді.
• Бос бесікті еш уақытта жабусыз қалдырмау керек. Үстіне ақ мата жауып, ең болмағанда ұршығына орамал байлап қою қажет.
• Бесіктің теріс жағына отырмайды.
• Бесікті саудаламайды. Айтқан бағасына сатып алу керек.
• Бесік жасайтын шеберлер ынсапты болуы тиіс. Киелі дүниенің бағасын аспандатпауы керек.
Қазақ халқы шаңырақты, бесікті, табалдырықты қасиет тұтқан. Бұл үшеуін ешқашан аяқпен баспаған. Бұл үшеуі қашанда бірімен бірі байланысып, ұштасып жатады. Осынау қасиетті үш затты қатты тозып, тым ескірген кезде де аяқтың астына тастамай, өртеп жіберетін болған әрі күлін де аяқасты қылмай, көміп тастаған.
JQ-Aqparat