Баянның сүйіктісі Тұрсынғали өздерінің интим суретін интернетке жариялады (фото)

15 маусым 2017, 10:40

Баянның сүйіктісі Тұрсын Алакөзов өзінің ғашығын қолдап, отты махаббаттарының белгісі ретіндегі отбасылық құнды суретін әлеуметтік желідегі парақшасында жариялай салды.

Бұл сурет „Іштерің күйсе тұз жала„ немесе „Кім не десе ол десін, бірақ біздің махаббаттан басымыз айналып жүр„ дегенді айтып тұрғандай.
Айта кетелік, кеше Баян әлеуметтік желі мен БАҚ беттеріне енді бір жыл бойына шықпайтынын мәлімдеп, елдің көзіне көрінбейтінін жариялап еді.

Бұл өз өмірі туралы кітап жазып, сатпақшы ниетінен соң зиялы қауым өкілдері сынынан соңғы Баянның шешімі-тұғын. Оған қоса бұрынғы күйеуінің қарындасының да мәлімдемесі жанына батқан болуы керек. Соған қарағанда ол соңғы сындарды ауыр қабыл алған секілді.

Әрине, елдің сөзі бір басқа, бірақ зиялы қауым өкілдері мен бұрынғы жақындарының айтқан дүниесінің салмағы бір басқа ғой.

Қалай дегенмен де осындай оқиғалардан соң Баянның сүйіктісі Тұрсын Алакөзов көптен жасырып, өздері үшін құнды болатын суреттің шетін шығарып, елге жария ете салды. Соған қарағанда ол өз махаббатына қиын кезде қорған болып, ел назарын басқа тақырыпқа ойыстырғысы келген сияқты.

Үйлену тойы алдындағы фотосессияда түсірілген нәзік сезімге толы суретте Баян мен Тұрсынғалы сүйіскелі тұр. Оған: „Жаным сол„ деген атау беріліпті.

Айта кетелік, қос жұп өздерінің тойы көктемде болатынын жариялап еді. Алайда көктем өтіп кетті, дегенмен үйленуден олар айнымаған секілді, ал фотосуреттерге қарасақ, тойдың күні жақын секілді.