Баян Алагөзова: Қылмыс әлемінің серкесіне тұрмысқа шықтым

Танымал актриса, продюсер Баян Алагөзованың жаңа фильмі жарық көрді. Продюсер фильмнің сюжеті қаншалықты өзінің жеке өмірінен алынғанын “Замандас” подкастында айтып берді.

“Қылмыс әлемінің серкесі, достарының арасында үлкен беделге ие жігітке тұрмысқа шықтым. Отбасылық өміріміздің немен аяқталғанын бүкіл ел жақсы біледі. Тіпті, ол оқиға ұмытылған да жоқ. Фильмге кейбір басымнан өткен оқиғаларды қосқаным рас. Бірақ ол менің тұтас автобиографиялық өмірімнен алынды деген сөз емес. Фильм фантастика емес. Ондағы барлық диалог, стиль сол заманда болған. Тіпті, театр институтында оқып жүргенде рэкет жігіттерді көретінбіз. Жатақханаға да келіп жүретін. Қолдарында сол кезде-ақ суық қару болатын еді. Көзімізбен көрдік”, – деп еске алды жастық шағын актриса.

JQ-Aqparat