Бала саудасы: Алматы облысында қылмыстық топ ұсталды (Видео)

Алматы облысында ұйымдасқан қылмысқа қарсы күрес басқармасының қызметкерлері кәмелетке толмағандардың саудасына күдікті қылмыстық топты әшкереледі.

Алматы облысы полиция департаментінің басшысы Бауыржан Әленов: «25 тамызда әлеуметтік желідегі surak.baribar парақшасында кәмелетке толмағандар мен жаңа туған сәбилерді заңды түрде асырап алуға көмектесеміз деген қылмыстық топтың әрекеті туралы жедел ақпарат түсті. 28 тамызда жедел-іздестіру іс-шаралары барысында Қызылорда облысының тумасы 38 жастағы күдікті анықталды. Кәмелетке толмағандарды сату дерегі бойынша қылмыстық іс қозғалды», – деді.

Күдікті қамауға алынып, тергеу жүріп жатыр.

JQ-Aqparat
Бейнежазба: polisia.kz

Фото: depositphotos.com