Балқаш тұрғыны еріккеннен аспанға оқ атып, түрмеге түсті

Балқаш полициясы еріккеннен бірнеше рет аспанға оқ атқан тұрғынды қолға түсірді.

Оқиға Русаков ықшам ауданында орын алған. 43 жастағы азамат оқ атып бастағаны сол екен, 10 минут өтпестен полицейлер оқиға орнына жетіп келген. Азаматтың көлік терезесінен басын шығарып, аспанға оқ атқаны анықталды.

Балқаш прокуратурасының қызметкері Мади Әбішев «Мерседес» жүргізушісінің құрықталғанын айтты.

«Атыстан ешкім зардап шеккен жоқ. Ал оқталған қаруды пайдаланып, бұзақылық жасаған азамат қолға түсті. Аталған факті Балқаш ішкі істер органдарының сотқа дейінгі тергеу реестрінде тіркелді», – дейді Мади Әбішев.

stan.kz