Бағлан Әбдірайымов көп әйел алуды заңдастыру керектігін айтты

Бағлан Әбдірайымовтың пікірінше, бірнеше әйел алуды заңдастыру арқылы оң босағада отырып қалған қыздардың қатарын азайтуға болады.

Бұл туралы әнші Hit-TV арнасына берген сұхбатында айтты, деп жазады Stan.kz.

«Қазақтан жігіт таппағаннан кейін біреуі анда, біреуі мұнда шығып жатыр. Енді өздеріңіз ойланып қараңыздар, 800 мың қыздың бойдақ жүргені жақсы ма немесе 2-3 әйелі болып, тұрмысқа шығып, ана бақытын сезінгені жақсы ма?

Егер кәдімгідей қыздар жағынан болсын, жалпы қазіргі қоғам соған дайын болатын болса, заңды түрде екінші, үшінші, төрт әйелге дейін заңдастыратын болса, қазақ баяғыда саны көп елдердің қатарынан болып кететін еді. Сондықтан осы тұрғыдан қарағанда тұрмысқа шығып, бала сүйіп, ана бақытын әрбір қазақтың қызы сезіну керек деп ойлаймын», – деп мәлімдеді ол.