Әзірбайжанда президент сайлауы өтіп жатыр

Бүгін Әзірбайжан халқы президент сайлауында дауыс беріп жатыр. Жергілікті сағат 12.00-ге дейін сайлаушылардың 50 пайызы өз таңдауын жасаған. Бұл туралы trend.az сайты Әзірбайжан Орталық сайлау комиссиясына сілтеме жасай отырып хабарлады.

Бұл жолғы сайлауға жеті үміткер қатысуда. Қазіргі президент Илһам Әлиев саяси додаға елдегі билеуші «Ени Азербайжан» (Жаңа Әзірбайжан) партиясының атынан түсіп жатыр. Жергілікті ақпарат құралдары хабарлағандай, И. Әлиев Қарабақ аймағында дауыс берді.

Әзірбайжан Орталық сайлау комиссиясы хабарлағандай, сайлаушылар тізімінде 6,5 млн адам бар. Ал дауыс беру үрдісін бақылау үшін 90 мың байқаушы тіркеліпті.

JQ- Aqparat

Фото: day.az