Атыраулық Ассамблея өкілдері этноауыл тұрғызуды ұсынып отыр

Мемлекет басшысы Нұрсұлтан Назарбаев ұсынған Рухани жаңғыру бағдарламасы аясында, Атырау облысы Қазақстан халқы Ассамблеясы этноауыл тұрғызуды ұсынып отыр.

«Қоғамдық келісім» коммуналдық мемлекеттік мекемесінің директоры Тамара Аман-Турлина этноауылдар базасында дүниежүзіндегі түрлі ұлт өкілдерінің ас үйінен дәм татуға мүмкіндік беретін мейрамханалар ашуға да болады деген пікірде. «Осындай нысандар арқылы, өзге елдердің мәдениетін танытатын көрмелер ұйымдастыруға, экспозициялық залдар мен шағын мұражайлар жасақтауға мүмкіндік бар» дейді ол.

Айта кетейік, Атырау қалалық әкімдігі этноауылды бұрынғы қалалық саябақ базасында жасақтауды жоспарлап отыр.

Баян ЖАНҰЗАҚОВА