Атырауда әкесімен сөзге келіп қалған ер адам өзін өртеп жіберді

21 қантар 2018, 16:19

Атырауда 32 жастағы ер адам әкесімен сөзге келіп қалып, өзін өртеп жіберді, деп хабарлайды Атырау ІІД баспасөз қызметіне сілтеме жасап Stan.kz.

Қайғылы оқиға сенбі күні кешке қала шетінде орналасқан Геолог кентінде орын алған.

«Алдын ала мәлімет бойынша, ер адам тойдан үйіне келген соң әкесімен сөзге келіп қалған. Мұнан кейін ашуға булыққан ер адам сыртқа шығып, өзін-өзі өртеп жіберген.

Ер адам жедел түрде облыстық ауыруханаға жеткізілді. Оның денесінің 60 пайызын күйік шалған»,- деп түсінік берді аталған оқиғаға Атырау ІІД-ның баспасөз хатшысы Назымгүл Қайсағалиева.