Астаналық полицейлер түнде жалғыз жүрген кішкентай қызды тауып алды

10 тамызда түнгі сағат бір шамасында полицейлер Қабанбай батыр даңғылында кәмелеттік жасқа толмаған қызды тауып алды, деп хабарлайды Baq.kz.

«Ювеналды полиция инспекторы қызды кәмелеттік жасқа толмағандарды бейімдеу орталығына алып барды»,- деп хабарлайды Астана қаласы ІІД баспасөз қызметінің өкілдері.

Қыз бала шамамен 3-4 жаста, есімі Милана, бойы 115-120 см., шашы қысқа, сары, көзінің түсі қоңыр. Үстіне қызыл түсті күрте, ақ түсті желетке мен футболка, қызыл түсті шалбар мен макасин киген.

Қазіргі кезде қыздың ата-анасы мен туыстары кім екендігі анықталып жатыр.

Құқық қорғау қызметкерлері қызды таныған немесе ол туралы қандай да бір ақпарат білетін адамдардан мына телефондар арқылы хабарласуын сұрайды: 8 (7172) 71 60 22, ұялы тел. 8 778 917 05 78.