Астанада жоғалып кеткен Грузия азаматының денесі табылды

22 мамыр 2017, 11:41

Елордада бірнеше күн бұрын жоғалып кеткен Грузия азаматының денесі табылды.

«1992 жылы туған Грузия азаматының денесі Қорғалжың тас жолындағы саяжайдан табылды, денесінде қасақана өлтіру белгілері жоқ», — делінген елордалық Ішкі істер департаментінің баспасөз қызметі хабарламасында. Оқиға бойынша ҚР Қылмыстық кодексінің 105-бабы бойынша сотқа дейінгі тексеру жұмыстары жүргізіліп жатыр, сот-медициналық сараптама тағайындалды. Бұғанға дейін БАҚ 18 мамыр күні 25 жастағы Арчил Давитадзенің із-түзсіз жоғалғандығын хабарлаған болатын. Жас жігіт жұмыстан шығып, үйіне қайтып оралмаған. Соңғы рет оны Иманов және Уалиханов көшелері қиылысы маңынан көрген. Массаж жасаушы болып жұмыс істеген оның әйелі және қызы бар болып шықты.

ҚазАқпарат