Астанада мұнай базасы өртенді (видео)

25 қантар 2018, 12:59

Астананың Автоматика ауылындағы мұнай базасының аумағында 500 шаршы метр жер өртенді, деп хабарлайды Вaq.kz.

Ақпаратты ҚР ІІМ ТЖ комитетінде растады.

«24 қаңтарда сағат 18.17-де Сарыарқа ауданының Автоматика тұрғын-үй алқабында орналасқан «Иноил ЛТД» ЖШС мұнай базасында өрт болды. Екі қабаттан тұратын әкімшілік-өндірістік ғимараттың үстіңгі қабатында өрт шығып, шатырына дейін шарпыды. 500 шаршы метр жер өртенді», — деп мәлімдеді ІІМ ТЖК ресми өкілі Руслан Иманқұлов.

Өрт сағат 22.12-де сөндірілді. Мұнай базасының қызметкерлері өрт кезінде өздері шығып үлгерген. Ешкім зардап шекпеді. Өртті сөндіруге 60 өрт сөндіруші мен 14 арнайы техника жұмылдырылды. Қазір өрттің себебі анықталып жатыр.