Астанада капронмен көшеге шыққан қыздың аяқтары үсіп қалды

Астананың — 40 градус болатын сарышұнақ аязында тым «жеңіл» киім болып саналатын жұқа шұлықпен (колготки) университетіне жүгіріп барған елордалық бойжеткеннің аяқтары қатты үсіп қалды.

«Астанада оқитын 4 курс студенті университетіне дейін капронмен жүгіріп барған. «Мына тұрған жер» деп ойлаған — міне, нәтижесі осы, үсік шалды», — делінген NUR.KZ редакциясына жіберген хабарламада.
Сондай-ақ, бұл алғашқы оқиға ғана емес — Астана қаласының денсаулық сақтау басқармасында соңғы 3 күнде елорда дәрігерлеріне 28 адам аяздан зардап шеккендігі туралы хабарланған.